دل میں ہے اتفاق سے دشت بھی گھر کے ساتھ ساتھ

دل میں ہے اتفاق سے دشت بھی گھر کے ساتھ ساتھ

اس میں قیام بھی کریں آپ سفر کے ساتھ ساتھ

درد کا دل کا شام کا بزم کا مے کا جام کا

رنگ بدل بدل گیا ایک نظر کے ساتھ ساتھ

خواب اڑا دیے گئے پیڑ گرا دیے گئے

دونوں بھلا دیے گئے ایک خبر کے ساتھ ساتھ

شاخ سے اس کتاب تک خاک سے لے کے خواب تک

جائے گا دل کہاں تلک اس گل تر کے ساتھ ساتھ

اس کو غزل سمجھ کے ہی سرسری دیکھیے سہی

یہ مرا حال دل بھی ہے عرض ہنر کے ساتھ ساتھ

dil mein hai ittifaq se dasht bhi ghar ke sath sath

is mein qayam bhi karen ap safar ke sath sath

dard ka dil ka sham ka bazm ka mai ka jam ka

rang badal badal gaya ek nazar ke sath sath

khwab ura diye gae per gira diye gae

donon bhala diye gae ek khabar ke sath sath

shakh se is kitab tak khak se le ke khwab tak

jaega dil kahan talak us gul-e-tar ke sath sath

us ko ghazal samajh ke hi sarsari dekhiye sahi

ye mira hal-e-dil bhi hai arz-e-hunar ke sath sath