جب سے مری تقدیر کا ڈوبا سورج

جب سے مری تقدیر کا ڈوبا سورج

اس روز سے اب تک نہیں دیکھا سورج

ڈوبے گا بہت جلد یہ چڑھتا سورج

اس واسطے میں نے نہیں پوجا سورج

جب سے ترے چہرے کی چمک دیکھی ہے

آنکھوں کو مری اک نہیں جچتا سورج

تاریکی سے ہر شخص کو فرصت تو ملی

میرے لیے اب تک نہیں نکلا سورج

کرنوں کو وہ بازار میں بیچ آیا ہے

شاید کہ کئی دن سے تھا بھوکا سورج

تم نے تو کئی لوگوں کو بانٹے لیکن

میں نے تو کبھی ایک نہ پایا سورج

برسوں سے زمانے کو سحر دے نہ سکا

حالات میں کچھ اس طرح الجھا سورج

آیا ہے تصور میں سر شام کوئی

میرے افق ذہن پہ نکلا سورج

عاجزؔ کو پریشان نہیں کر سکتا

افلاک مصائب کا یہ تپتا سورج

jab se miri taqdir ka duba suraj

us roz se ab tak nahin dekha suraj

dubega bahut jald ye charhta suraj

is waste main ne nahin puja suraj

jab se tire chehre ki chamak dekhi hai

ankhon ko miri ik nahin jachta suraj

tariki se har shakhs ko fursat to mili

mere liye ab tak nahin nikla suraj

kirnon ko wo bazar mein bech aya hai

shayad ke kai din se tha bhuka suraj

tum ne to kai logon ko bante lekin

main ne to kabhi ek na paya suraj

barson se zamane ko sahar de na saka

halat mein kuchh is tarah uljha suraj

aya hai tasawwur mein sar sham koi

mere ufuq zehn pe nikla suraj

ajiz ko pareshan nahin kar sakta

aflak masaib ka ye tapta suraj