بادشاہی ہو کہ دریوزہ گری کا موسم

بادشاہی ہو کہ دریوزہ گری کا موسم

بھولتا ہی نہیں وہ ہم سفری کا موسم

کھیتیاں چھالوں کی ہوتی تھیں لہو اگتے تھے

کتنا زرخیز تھا وہ در بدری کا موسم

حرز جاں ٹھہرے جو صحرا میں ٹھکانہ مل جائے

بستیوں میں تو ہے آشفتہ سری کا موسم

آؤ زخموں سے پھر اک بار لپٹ کر رو لیں

ورنہ آنے کو ہے اب بخیہ گری کا موسم

روز اول سے ہے چھایا ہوا مجھ پر اب تک

کرچیاں ہونے کا شق ابشری کا موسم

اب کبھی لوٹ کر آئے گا نہ شاید عاجزؔ

ڈوب کر پینے کا دامن کی تری کا موسم

badshahi ho ke daryuza giri ka mausam

bhulta hi nahin wo ham safari ka mausam

khetiyan chhalon ki hoti thin lahu ugte the

kitna zarkhez tha wo dar badri ka mausam

hirz-e-jan thahre jo sahra mein thikana mil jae

bastiyon mein to hai ashufta siri ka mausam

ao zakhmon se phir ik bar lipat kar ro len

warna ane ko hai ab bakhiya giri ka mausam

roz-e-awwal se hai chhaya hua mujh par ab tak

kirchiyan hone ka shaqq abshari ka mausam

ab kabhi laut kar aega na shayad ajiz

dub kar pine ka daman ki tiri ka mausam