ایک دنیا بنا گئی مٹی

ایک دنیا بنا گئی مٹی

جس گھڑی روح پا گئی مٹی

جس نے سوچا کہ روند دیں اس کو

آخر اک دن چبا گئی مٹی

میں نے جتنے بھی بیج بوئے تھے

بانجھ عورت تھی کھا گئی مٹی

تشنگی تھی کنویں کی قیمت میں

بدلی چھائی گرا گئی مٹی

سرخ رو ہے وہ ساری دنیا میں

ساتھ جس کا نبھا گئی مٹی

سب قبالے اٹھا کے لے آئی

کسی کی ہے یہ بتا گئی مٹی

کس نے کب کس کو کیسے قتل کیا

شکل سب کی چھپا گئی مٹی

ek duniya bana gai mitti

jis ghari ruh pa gai mitti

jis ne socha ke raund den us ko

akhir ik din chaba gai mitti

main ne jitne bhi bij boe the

banjh aurat thi kha gai mitti

tishnagi thi kuen ki qimat mein

badli chhai gira gai mitti

surkh ru hai wo sari duniya mein

sath jis ka nibha gai mitti

sab qabale utha ke le ai

kisi ki hai ye bata gai mitti

kis ne kab kis ko kaise qatl kiya

shakl sab ki chhupa gai mitti