مجھے تو جو بھی ملا ہے عذاب کی صورت

مجھے تو جو بھی ملا ہے عذاب کی صورت

مری حیات ہے اک تشنہ خواب کی صورت

ہواؤ دل کی طرف احتیاط سے جانا

وجود امن کا ہے قائم حباب کی صورت

ملامتیں غم و آلام فکر مایوسی

یہ زندگی ہے شکستہ کتاب کی صورت

خود اپنی کرگسی فطرت سے ہو گئے رسوا

وگرنہ تم بھی اٹھے تھے عقاب کی صورت

کبھی فلک تو سمندر کبھی اٹھا لایا

پسند دونوں کو ہے آفتاب کی صورت

شگفتگی کی جگہ جھریوں نے لے لی ہے

ہمارا چہرہ تھا عاجزؔ گلاب کی صورت

mujhe to jo bhi mila hai azab ki surat

miri hayat hai ik tishna khwab ki surat

hawao dil ki taraf ehtiyat se jana

wajud amn ka hai qaim habab ki surat

malamaten gham-o-alam fikr mayusi

ye zindagi hai shikasta kitab ki surat

khud apni kargasi fitrat se ho gae ruswa

wagarna tum bhi uthe the uqab ki surat

kabhi falak to samundar kabhi utha laya

pasand donon ko hai aftab ki surat

shaguftagi ki jagah jhiriyon ne le li hai

hamara chehra tha ajiz gulab ki surat