صبا یہ بارگہہ حسن میں خبر کرنا

صبا یہ بارگہہ حسن میں خبر کرنا

اسے تو چاہئے ذروں کو بھی قمر کرنا

میں چاہتا ہوں تعلق کے درمیاں پردہ

وہ چاہتا ہے مرے حال پر نظر کرنا

مرے خدا مری دنیا ہی ختم کر دینا

اگر دعاؤں کو میری تو بے اثر کرنا

یہ دیکھ لینا محلے کے لوگ کیسے ہیں

پھر اس کے بعد ہی تعمیر اپنا گھر کرنا

تمہارا کام ہے کیچڑ اچھالنا لیکن

ہمارے ظرف میں شامل ہے درگزر کرنا

مری حیات سے ہے پیار اس لیے عاجزؔ

وہ چاہتا ہے مری عمر مختصر کرنا

saba ye bargah-e-husn mein khabar karna

use to chahiye zarron ko bhi qamar karna

main chahta hun taalluq ke darmiyan parda

wo chahta hai mire hal par nazar karna

mire khuda miri duniya hi khatm kar dena

agar duaon ko meri to be asar karna

ye dekh lena mohalle ke log kaise hain

phir is ke baad hi taamir apna ghar karna

tumhara kam hai kichar uchhalna lekin

hamare zarf mein shamil hai darguzar karna

miri hayat se hai pyar is liye ajiz

wo chahta hai miri umr mukhtasar karna