زمانہ ڈھونڈ رہا تھا کدھر گیا پانی

زمانہ ڈھونڈ رہا تھا کدھر گیا پانی

کسی کا حکم ہوا تو ٹھہر گیا پانی

وہ دھوپ تھی کہ زمیں جل کے راکھ ہو جاتی

برس کے اب کے بڑا کام کر گیا پانی

بڑا غرور تھا اپنی چمک دمک پہ اسے

سنار نے جو تپایا اتر گیا پانی

خدا کا خوف نہیں اب تمہارے ذہنوں میں

توہمات کا اس طرح بھر گیا پانی

شکست خوردہ یہ قومیں تمہیں مٹا دیں گی

اگر تمہاری حمیت کا مر گیا پانی

ترس نہ آیا غریبوں کے حال پر عاجزؔ

سسکتے پودوں کے سر سے گزر گیا پانی

zamana dhund raha tha kidhar gaya pani

kisi ka hukm hua to thahar gaya pani

wo dhup thi ke zamin jal ke rakh ho jati

baras ke ab ke bara kam kar gaya pani

bara ghurur tha apni chamak damak pe use

sunar ne jo tapaya utar gaya pani

khuda ka khauf nahin ab tumhare zehnon mein

tawahhumat ka is tarah bhar gaya pani

shikast khurda ye qaumen tumhen mita dengi

agar tumhari hamiyyat ka mar gaya pani

taras na aya gharibon ke hal par ajiz

sisakte paudon ke sar se guzar gaya pani