کتنا دشوار ہے جذبوں کی تجارت کرنا
Liaqat Jafriکتنا دشوار ہے جذبوں کی تجارت کرنا
ایک ہی شخص سے دو بار محبت کرنا
جس کو تم چاہو کوئی اور نہ چاہے اس کو
اس کو کہتے ہیں محبت میں سیاست کرنا
سرمئی آنکھ حسیں جسم گلابی چہرا
اس کو کہتے ہیں کتابت پہ کتابت کرنا
دل کی تختی پہ بھی آیات لکھی رہتی ہیں
وقت مل جائے تو ان کی بھی تلاوت کرنا
دیکھ لینا بڑی تسکین ملے گی تم کو
خود سے اک روز کبھی اپنی شکایت کرنا
جس میں کچھ قبریں ہوں کچھ چہرے ہوں کچھ یادیں ہوں
کتنا دشوار ہے اس شہر سے ہجرت کرنا
kitna dushwar hai jazbon ki tijarat karna
ek hi shakhs se do bar mohabbat karna
jis ko tum chaho koi aur na chahe us ko
us ko kahte hain mohabbat mein siyasat karna
surmai ankh hasin jism gulabi chehra
us ko kahte hain kitabat pe kitabat karna
dil ki takhti pe bhi ayat likhi rahti hain
waqt mil jae to un ki bhi tilawat karna
dekh lena bari taskin milegi tum ko
khud se ik roz kabhi apni shikayat karna
jis mein kuchh qabren hun kuchh chehre hun kuchh yaden hun
kitna dushwar hai is shahr se hijrat karna