حالانکہ پہلے دن سے کہا جا رہا ہوں میں

حالانکہ پہلے دن سے کہا جا رہا ہوں میں

لیکن کہاں کسی کو سنا جا رہا ہوں میں

لاچار و بد حواس گھنے جنگلوں کے بیچ

دریا کے ساتھ ساتھ چلا جا رہا ہوں میں

پچھتا رہے ہیں سب مرا پنجر نکال کر

دیوار میں دوبارہ چنا جا رہا ہوں میں

حالانکہ پہلے سائے سے رہتی تھی کشمکش

اب اپنے بوجھ سے ہی دبا جا رہا ہوں میں

تیرے سنبھالنے سے بھی پکڑی نہ میں نے آگ

اب اور بھی زیادہ بجھا جا رہا ہوں میں

پہلے پہل تو خود سے ہی منسوب تھے یہ اشک

اب اس کی آنکھ سے بھی بہا جا رہا ہوں میں

یہ دن بھی کیسا سخت شکنجہ ہے جعفریؔ

اب جس پہ ساری رات کسا جا رہا ہوں میں

halanke pahle din se kaha ja raha hun main

lekin kahan kisi ko suna ja raha hun main

lachar-o-bad hawas ghane jangalon ke bich

dariya ke sath sath chala ja raha hun main

puchhta rahe hain sab mira pinjar nikal kar

diwar mein dobara chuna ja raha hun main

halanke pahle sae se rahti thi kashmakash

ab apne bojh se hi daba ja raha hun main

tere sambhalne se bhi pakri na main ne ag

ab aur bhi ziyada bujha ja raha hun main

pahle pahal to khud se hi mansub the ye ashk

ab us ki ankh se bhi baha ja raha hun main

ye din bhi kaisa sakht shikanja hai jaafari

ab jis pe sari rat kasa ja raha hun main