کوئی سمجھاؤ دریا کی روانی کاٹتی ہے

کوئی سمجھاؤ دریا کی روانی کاٹتی ہے

کہ میرے سانس کو تشنہ دہانی کاٹتی ہے

میں باہر تو بہت اچھا ہوں پر اندر ہی اندر

مجھے کوئی بلائے ناگہانی کاٹتی ہے

میں دریا ہوں مگر کتنا ستایا جا رہا ہوں

کہ بستی روز آ کے میرا پانی کاٹتی ہے

زمیں پر ہوں مگر کٹ کٹ کے گرتا جا رہا ہوں

مسلسل اک نگاہ آسمانی کاٹتی ہے

میں کچھ دن سے اچانک پھر اکیلا پڑ گیا ہوں

نئے موسم میں اک وحشت پرانی کاٹتی ہے

کہ راجہ مر چکا ہے اور شہزادے جواں ہیں

یہ رانی کس طرح اپنی جوانی کاٹتی ہے

نظر والو تمہاری آنکھ سے شکوہ ہے مجھ کو

زباں والو تمہاری بے زبانی کاٹتی ہے

koi samjhao dariya ki rawani katti hai

ke mere sans ko tishna dahani katti hai

main bahar to bahut achchha hun par andar hi andar

mujhe koi bala-e-nagahani katti hai

main dariya hun magar kitna sataya ja raha hun

ke basti roz a ke mera pani katti hai

zamin par hun magar kat kat ke girta ja raha hun

musalsal ik nigah-e-asmani katti hai

main kuchh din se achanak phir akela par gaya hun

nae mausam mein ik wahshat purani katti hai

ke raja mar chuka hai aur shahzade jawan hain

ye rani kis tarah apni jawani katti hai

nazar walo tumhari ankh se shikwa hai mujh ko

zaban walo tumhari be zabani katti hai