رونق دامن صد چاک کہاں سے لائیں

رونق دامن صد چاک کہاں سے لائیں

شہر میں دشت کی پوشاک کہاں سے لائیں

حالت جذب میں ادراک کہاں سے لائیں

زہر کے واسطے تریاک کہاں سے لائیں

گرد ہائے خس و خاشاک کہاں سے لائیں

اس قدر گردش افلاک کہاں سے لائیں

پانی لے آئے ہیں اب ایک نئی الجھن ہے

کوزہ گر تیرے لیے خاک کہاں سے لائیں

چہرہ مہرہ تو بہرحال دمک ہی لے گا

تابش چشمۂ ناک کہاں سے لائیں

تجھ کو بالکل نہیں احساس ہنر اے دریا

اب ترے واسطے تیراک کہاں سے لائیں

خاک زادے ہیں سو بس ایک ہی رنگت ہے نصیب

خود میں صد رنگیٔ افلاک کہاں سے لائیں

ہم بھی جی بھر کے تجھے کوستے پھرتے لیکن

ہم ترا لہجۂ بے باک کہاں سے لائیں

raunaq-e-daman-e-sad chak kahan se laen

shahr mein dasht ki poshak kahan se laen

halat-e-jazb mein idrak kahan se laen

zahr ke waste tiryak kahan se laen

gard ha-e-khas-o-khashak kahan se laen

is qadar gardish-e-aflak kahan se laen

pani le ae hain ab ek nai uljhan hai

kuza gar tere liye khak kahan se laen

chehra mohra to bahrhal damak hi lega

tabish chashma-e-nak kahan se laen

tujh ko bilkul nahin ehsas-e-hunar ai dariya

ab tire waste tairak kahan se laen

khak zade hain so bas ek hi rangat hai nasib

khud mein sad rangi-e-aflak kahan se laen

ham bhi ji bhar ke tujhe koste phirte lekin

ham tira lahja-e-be bak kahan se laen