محبت میں نہ جاں کو جاں نہ دل کو دل سمجھتے ہیں

محبت میں نہ جاں کو جاں نہ دل کو دل سمجھتے ہیں

اسے آساں بناتے ہیں جسے مشکل سمجھتے ہیں

ہم اپنی زندگانی کی تغیر خیز راہوں کو

کبھی جادہ سمجھتے ہیں کبھی منزل سمجھتے ہیں

ہمارا مقصد اول ہے جذب شوق و سر مستی

یہی وہ زندگی ہے جس کو ہم کامل سمجھتے ہیں

تو اپنے دل کی کمزوری کو سمجھا ہے نہ سمجھے گا

وہی مشکل میں ہیں مشکل کو جو مشکل سمجھتے ہیں

کلیمؔ اہل تکلم کی سبک باتوں سے کیوں الجھیں

ہم اپنی زندگی کو سہل یا مشکل سمجھتے ہیں

mohabbat mein na jan ko jan na dil ko dil samajhte hain

use asan banate hain jise mushkil samajhte hain

ham apni zindagani ki taghayyur khez rahon ko

kabhi jada samajhte hain kabhi manzil samajhte hain

hamara maqsad awwal hai jazb-e-shauq-o-sar-e-masti

yahi wo zindagi hai jis ko ham kamil samajhte hain

tu apne dil ki kamzori ko samjha hai na samjhega

wahi mushkil mein hain mushkil ko jo mushkil samajhte hain

kalim ahl-e-takallum ki subuk baton se kyun uljhen

ham apni zindagi ko sahl ya mushkil samajhte hain