لگ گئے برسوں جوابات بتانے کے لئے

لگ گئے برسوں جوابات بتانے کے لئے

ان خرافات کو گھر گھر سے ہٹانے کے لئے

کس قدر زہر پیا ضبط کیا ہے میں نے

جو لگی آگ ہے سینے میں چھپانے کے لئے

ایسے بھی لوگ بہت سارے ملیں گے تم کو

ہر غلط کام کیا نام کمانے کے لئے

خون دل خون جگر جان تلک نذر کیے

کیا نہیں دے کے گئے لوگ زمانے کے لئے

داؤ پر لوگ لگا دیتے ہیں ہر شے اپنی

اپنے دشمن کو فقط نیچا دکھانے کے لئے

کون جاتا ہے کسی تپتے ہوئے صحرا میں

اپنی تنہائی کا اک جشن منانے کے لئے

کوششیں جاری ہیں اس دور کی ہر دن اے لطیفؔ

جتنے جنگل ہیں انہیں شہر بنانے کے لئے

lag gae barson jawabat batane ke liye

un khurafat ko ghar ghar se hatane ke liye

kis qadar zahr piya zabt kya hai main ne

jo lagi ag hai sine mein chhupane ke liye

aise bhi log bahut sare milenge tum ko

har ghalat kam kiya nam kamane ke liye

khun-e-dil khun-e-jigar jan talak nazr kiye

kya nahin de ke gae log zamane ke liye

dao par log laga dete hain har shai apni

apne dushman ko faqat nicha dikhane ke liye

kaun jata hai kisi tapte hue sahra mein

apni tanhai ka ik jashn manane ke liye

koshishen jari hain is daur ki har din ai latif

jitne jangal hain unhen shahr banane ke liye