جو بجھ گئے انہیں کو چراغوں کا نام دو
Lateef Ahmad Subhani (b. 1950)جو بجھ گئے انہیں کو چراغوں کا نام دو
بے چہرگی کو اپنی گلابوں کا نام دو
جو ہے حقیقی اس کو تو اب بھول جاؤ تم
بے جان پتھروں کو خداؤں کا نام دو
ہمدردیاں خلوص و محبت کہ دوستی
اس دور میں انہیں بھی گناہوں کا نام دو
ہے وقت کا تقاضا بری حرکتوں کو تم
جدت کہو حسین اداؤں کا نام دو
دہشت گری جہاں یہ پنپتی ہے رات دن
سنتوں کا منہ کہو کہ گپھاؤں کا نام دو
اس میں گھٹن ہے زہر ہے گرد و غبار ہے
پھر بھی اسے شگفتہ فضاؤں کا نام دو
ڈوبے تھے پھر بھی صاف نکل آئے اے لطیفؔ
اس کو ادا کہو کہ دعاؤں کا نام دو
jo bujh gae unhen ko charaghon ka nam do
be chehragi ko apni gulabon ka nam do
jo hai haqiqi us ko to ab bhul jao tum
be jan pattharon ko khudaon ka nam do
hamdardiyan khulus-o-mohabbat ke dosti
is daur mein unhen bhi gunahon ka nam do
hai waqt ka taqaza buri harkaton ko tum
jiddat kaho hasin adaon ka nam do
dahshat giri jahan ye panapti hai rat din
santon ka munh kaho ke guphaon ka nam do
is mein ghutan hai zahr hai gard-o-ghubar hai
phir bhi use shagufta fazaon ka nam do
dube the phir bhi saf nikal ae ai latif
us ko ada kaho ke duaon ka nam do