نہ کوئی خواب ہوگا اور نہ خوابوں کا جہاں ہوگا

نہ کوئی خواب ہوگا اور نہ خوابوں کا جہاں ہوگا

کوئی دل میں نہیں ہوگا تو دل خالی مکاں ہوگا

بہت ہی سوچ کر تو کشتیٔ عمر رواں کو ڈال

مقابل میں تلاطم خیز بحر بیکراں ہوگا

نہیں ہے دور وہ منظر جسے دیکھے گا یہ عالم

مسلماں اک طرف اور اک طرف سارا جہاں ہوگا

یہ دور پر فتن ہے بوجھ اپنا خود اٹھاؤ تم

تمہارا درد بانٹے گا نہ کوئی مہرباں ہوگا

رئیسوں اور لٹیروں کا زمانہ ہے غریبو تم

کبھی مت سوچنا تم پر زمانہ مہرباں ہوگا

چٹانوں کی طرح میں عزم رکھتا ہوں لطیفؔ اب کے

مجھے معلوم ہے ہر اک قدم پر امتحاں ہوگا

na koi khwab hoga aur na khwabon ka jahan hoga

koi dil mein nahin hoga to dil khali makan hoga

bahut hi soch kar to kashti-e-umr-e-rawan ko dal

muqabil mein talatum khez bahr-e-bekaran hoga

nahin hai dur wo manzar jise dekhega ye alam

musalman ik taraf aur ik taraf sara jahan hoga

ye daur par fatan hai bojh apna khud uthao tum

tumhara dard bantega na koi mehrban hoga

raison aur luteron ka zamana hai gharibo tum

kabhi mat sochna tum par zamana mehrban hoga

chatanon ki tarah main azm rakhta hun latif ab ke

mujhe maalum hai har ik qadam par imtihan hoga