جو اہرمن سے پڑا واسطہ مفر نہ ہوا

جو اہرمن سے پڑا واسطہ مفر نہ ہوا

کسی بھی بات پہ راضی وہ فتنہ گر نہ ہوا

نہ سوچا پہلے یہ عشاق کہتے پھرتے ہیں

کریں گے کیا کوئی وعدہ وفا اگر نہ ہوا

یہ بیڑا غرق ہوا جس کی نا خدائی میں

وہ کہہ رہا ہے کوئی مجھ سا دیدہ ور نہ ہوا

کریں جو وعدہ وہ اب دس ہزار سال کا ہو

ہزار سال کا دعویٰ تو معتبر نہ ہوا

یہ کوچہ عشق کا ہے عشق کا ارے نظمیؔ

ادھر نہ ہوگا کبھی یاس کا گزر نہ ہوا

jo ahriman se para wasta mafar na hua

kisi bhi bat pe razi wo fitna gar na hua

na socha pahle ye ushshaq kahte phirte hain

karenge kya koi waada wafa agar na hua

ye bera gharq hua jis ki na khudai mein

wo kah raha hai koi mujh sa dida war na hua

karen jo waada wo ab das hazar sal ka ho

hazar sal ka daawa to motabar na hua

ye kucha ishq ka hai ishq ka are nazmi

idhar na hoga kabhi yas ka guzar na hua