آرائش گیسوئے سخن کرتے رہیں گے

آرائش گیسوئے سخن کرتے رہیں گے

بے خوف و خطر خدمت فن کرتے رہیں گے

ہم تازہ روایات کہن کرتے رہیں گے

آباد رہ دار و رسن کرتے رہیں گے

تاریخ میں کہلائیں گے ہم ظلم کے حامی

برداشت اگر رنج و محن کرتے رہیں گے

مجھ کو ہے یقیں میرے وطن کے کئی فرہاد

تیشے سے رواں گنگ و جمن کرتے رہیں گے

محتاج خبر کے نہیں رفتار صبا سے

اندازۂ حالات چمن کرتے رہیں گے

جس سے کہ بدل جائے رخ گردش دوراں

کوئی نہ کوئی ایسا جتن کرتے رہیں گے

صف باندھیں رہیں اہل وفا خم رہے سر بھی

وہ کہتے ہیں ہم حکم بزن کرتے رہیں گے

ہو دور خزاں لاکھ چمن پھر بھی چمن ہے

نظمیؔ دل و جاں نذر وطن کرتے رہیں گے

araish-e-gesu-e-sukhan karte rahenge

be khauf-o-khatar khidmat fan karte rahenge

ham taza riwayat-e-kuhan karte rahenge

abad rah dar-o-rasan karte rahenge

tarikh mein kahlaenge ham zulm ke hami

bardasht agar ranj-o-mehan karte rahenge

mujh ko hai yaqin mere watan ke kai farhad

teshe se rawan gang-o-jaman karte rahenge

mohtaj khabar ke nahin raftar saba se

andaza-e-halat chaman karte rahenge

jis se ke badal jae rukh gardish-e-dauran

koi na koi aisa jatan karte rahenge

saf bandhen rahen ahl-e-wafa kham rahe sar bhi

wo kahte hain ham hukm bazan karte rahenge

ho daur-e-khizan lakh chaman phir bhi chaman hai

nazmi dil-o-jan nazr-e-watan karte rahenge