حسن کا حال یہ با دیدۂ تر دیکھا ہے

حسن کا حال یہ با دیدۂ تر دیکھا ہے

در بدر خاک بسر شام و سحر دیکھا ہے

ان گنہ گار نگاہوں نے جدھر دیکھا ہے

ایک اجڑا ہوا سپنوں کا نگر دیکھا ہے

دل خوش فہم نے اک خواب شجر دیکھا ہے

شومیٔ بخت کہ بے برگ و ثمر دیکھا ہے

داد خواہی کی نہیں اہل چمن کو توفیق

جان دینے میں اسیروں نے مفر دیکھا ہے

آخر کار ہوا قید زمیں سے آزاد

ماہ و انجم نے یہ اقدام بشر دیکھا ہے

مصلحت کوش رفیقوں سے ہے دوری لازم

نہ ہوئے وقت پہ وہ سینہ سپر دیکھا ہے

جیسے ہو غیب سے مژدہ کوئی آنے والا

میں نے پیہم کبھی یوں جانب در دیکھا ہے

husn ka hal ye ba dida-e-tar dekha hai

dar badar khak basar sham-o-sahar dekha hai

un gunah gar nigahon ne jidhar dekha hai

ek ujra hua sapnon ka nagar dekha hai

dil-e-khush fahm ne ik khwab shajar dekha hai

shumi-e-bakht ke be barg-o-samar dekha hai

dad khwahi ki nahin ahl-e-chaman ko taufiq

jan dene mein asiron ne mafar dekha hai

akhir kar hua qaid-e-zamin se azad

mah-o-anjum ne ye aqdam-e-bashar dekha hai

maslahat kosh rafiqon se hai duri lazim

na hue waqt pe wo sina sipar dekha hai

jaise ho ghaib se muzhda koi ane wala

main ne paiham kabhi yun janib-e-dar dekha hai