جہاں میں کوئی تمہارا جواب ہو نہ سکا

جہاں میں کوئی تمہارا جواب ہو نہ سکا

ستارا لاکھ بڑھا آفتاب ہو نہ سکا

خوشی کے چند ہی لمحے تھے گن لئے لیکن

غم جہاں کا کسی سے حساب ہو نہ سکا

یہاں تو چاروں طرف پتھروں کی بارش تھی

کوئی بھی سنگ نشانہ مآب ہو نہ سکا

قصور اس کو سمجھئے مری بصارت کا

وہ بے لباس رہا بے حجاب ہو نہ سکا

مرے لہو نے بہاروں کو تازگی دے دی

فسردہ ان کے لبوں کا گلاب ہو نہ سکا

اسے سمجھنا تو ممکن نہیں ہے اے انورؔ

وہ ایک چہرہ جو دل کی کتاب ہو نہ سکا

jahan mein koi tumhara jawab ho na saka

sitara lakh barha aftab ho na saka

khushi ke chand hi lamhe the gin liye lekin

gham jahan ka kisi se hisab ho na saka

yahan to charon taraf pattharon ki barish thi

koi bhi sang nishana mab ho na saka

qusur us ko samajhiye miri basarat ka

wo be libas raha be hijab ho na saka

mire lahu ne baharon ko tazgi de di

fasurda un ke labon ka gulab ho na saka

use samajhna to mumkin nahin hai ai anwar

wo ek chehra jo dil ki kitab ho na saka