سورج چاند ستارے روشن

سورج چاند ستارے روشن

دھرتی کے مہ پارے روشن

فکر و نظر کے آئینے میں

صحرا ریت شرارے روشن

انا گزیدہ انسانوں میں

کہاں رہیں گے سارے روشن

ٹوٹے بکھرے خواب سنہری

اور قلم کے تارے روشن

قلب سیاہی مائل سب کے

لیکن تیسوں پارے روشن

انورؔ چھوڑ کے گھر نکلا ہوں

بام و در گلیارے روشن

suraj chand sitare raushan

dharti ke mah pare raushan

fikr-o-nazar ke aine mein

sahra ret sharare raushan

ana gazida insanon mein

kahan rahenge sare raushan

tute bikhre khwab sunahri

aur qalam ke tare raushan

qalb siyahi mail sab ke

lekin tison pare raushan

anwar chhor ke ghar nikla hun

bam-o-dar galiare raushan