ترے وجود کو بس آن بان میں رکھا

ترے وجود کو بس آن بان میں رکھا

کوئی بھی عکس نہ سونے مکان میں رکھا

بس ایک وہم سا سایہ فگن رہا برسوں

جو پھول سوکھ گیا خاکدان میں رکھا

مری انا کے اگر روبرو نہیں کوئی

تو ذکر کس کا یہ اپنے بیان میں رکھا

سناتا کیسے میں قصہ یہ بے حسی کا یہاں

کہ خود کو اس نے مگر درمیان میں رکھا

مسافران عدم کا پڑاؤ کیا انورؔ

کہ اس نے خود ہی انہیں سائبان میں رکھا

tire wajud ko bas an ban mein rakha

koi bhi aks na sone makan mein rakha

bas ek wahm sa saya fagan raha barson

jo phul sukh gaya khakdan mein rakha

miri ana ke agar rubaru nahin koi

tu zikr kis ka ye apne bayan mein rakha

sunata kaise main qissa ye be hissi ka yahan

ke khud ko us ne magar darmiyan mein rakha

musafiran-e-adam ka parao kya anwar

ke us ne khud hi unhen saiban mein rakha