بدل بدل کے وہ چولا مکان سے نکلا

بدل بدل کے وہ چولا مکان سے نکلا

کسی کا تیر کسی کی کمان سے نکلا

حسین بستیاں ویران کرنے والا بھی

خوشی کو ڈھونڈھتا وہم و گمان سے نکلا

عجیب حادثہ اہل زمین پر گزرا

کہ قطرہ قطرہ لہو آسمان سے نکلا

وہ حرف حرف کتابوں کو چاٹنے والا

سفید کیڑا مری داستان سے نکلا

وہ ایک قصہ جو انورؔ کبھی سنا نہ سکا

وہ لفظ لفظ کسی کے بیان سے نکلا

badal badal ke wo chola makan se nikla

kisi ka tir kisi ki kaman se nikla

hasin bastiyan wiran karne wala bhi

khushi ko dhundhta wahm-o-guman se nikla

ajib hadisa ahl-e-zamin par guzra

ke qatra qatra lahu asman se nikla

wo harf harf kitabon ko chatne wala

safed kira miri dastan se nikla

wo ek qissa jo anwar kabhi suna na saka

wo lafz lafz kisi ke bayan se nikla