تیرا چہرہ صبح کا تارا لگتا ہے

تیرا چہرہ صبح کا تارا لگتا ہے

صبح کا تارا کتنا پیارا لگتا ہے

تم سے مل کر املی میٹھی لگتی ہے

تم سے بچھڑ کر شہد بھی کھارا لگتا ہے

رات ہمارے ساتھ تو جاگا کرتا ہے

چاند بتا تو کون ہمارا لگتا ہے

کس کو خبر یہ کتنی قیامت ڈھاتا ہے

یہ لڑکا جو اتنا بیچارہ لگتا ہے

تتلی چمن میں پھول سے لپٹی رہتی ہے

پھر بھی چمن میں پھول کنوارا لگتا ہے

کیفؔ وہ کل کا کیفؔ کہاں ہے آج میاں

یہ تو کوئی وقت کا مارا لگتا ہے

tera chehra subh ka tara lagta hai

subh ka tara kitna pyara lagta hai

tum se mil kar imli mithi lagti hai

tum se bichhar kar shahd bhi khara lagta hai

rat hamare sath to jaga karta hai

chand bata tu kaun hamara lagta hai

kis ko khabar ye kitni qayamat dhata hai

ye larka jo itna bechara lagta hai

titli chaman mein phul se lipti rahti hai

phir bhi chaman mein phul kunwara lagta hai

kaif wo kal ka kaif kahan hai aj miyan

ye to koi waqt ka mara lagta hai