یہ داڑھیاں یہ تلک دھاریاں نہیں چلتیں

یہ داڑھیاں یہ تلک دھاریاں نہیں چلتیں

ہمارے عہد میں مکاریاں نہیں چلتیں

قبیلے والوں کے دل جوڑئیے مرے سردار

سروں کو کاٹ کے سرداریاں نہیں چلتیں

برا نہ مان اگر یار کچھ برا کہہ دے

دلوں کے کھیل میں خودداریاں نہیں چلتیں

چھلک چھلک پڑیں آنکھوں کی گاگریں اکثر

سنبھل سنبھل کے یہ پنہاریاں نہیں چلتیں

جناب کیفؔ یہ دلی ہے میرؔ و غالبؔ کی

یہاں کسی کی طرف داریاں نہیں چلتیں

ye darhiyan ye talak dhariyan nahin chaltin

hamare ahd mein makkariyan nahin chaltin

qabile walon ke dil joriye mire sardar

saron ko kat ke sardariyan nahin chaltin

bura na man agar yar kuchh bura kah de

dilon ke khel mein khuddariyan nahin chaltin

chhalak chhalak paren ankhon ki gagaren aksar

sambhal sambhal ke ye panhariyan nahin chaltin

janab kaif ye dilli hai mir-o-ghalib ki

yahan kisi ki taraf dariyan nahin chaltin