اس طرح محبت میں دل پہ حکمرانی ہے

اس طرح محبت میں دل پہ حکمرانی ہے

دل نہیں مرا گویا ان کی راجدھانی ہے

گھاس کے گھروندے سے زور آزمائی کیا

آندھیاں بھی پگلی ہیں برق بھی دوانی ہے

شاید ان کے دامن نے پونچھ دیں مری آنکھیں

آج میرے اشکوں کا رنگ زعفرانی ہے

پوچھتے ہو کیا بابا کیا ہوا دل زندہ

وہ مرا دل زندہ آج آنجہانی ہے

کیفؔ تجھ کو دنیا نے کیا سے کیا بنا ڈالا

یار اب ترے منہ پر رنگ ہے نہ پانی ہے

is tarah mohabbat mein dil pe hukmarani hai

dil nahin mira goya un ki rajdhani hai

ghas ke gharaunde se zor azmai kya

andhiyan bhi pigli hain barq bhi dawani hai

shayad un ke daman ne ponchh den miri ankhen

aj mere ashkon ka rang-e-zafrani hai

puchhte ho kya baba kya hua dil-e-zinda

wo mira dil-e-zinda aj anjhani hai

kaif tujh ko duniya ne kya se kya bana dala

yar ab tire munh par rang hai na pani hai