ہم ان کو چھین کر لائے ہیں کتنے دعوے داروں سے

ہم ان کو چھین کر لائے ہیں کتنے دعوے داروں سے

شفق سے چاندنی راتوں سے پھولوں سے ستاروں سے

ہمارے زخم دل داغ جگر کچھ ملتے جلتے ہیں

گلوں سے گل رخوں سے مہوشوں سے ماہ پاروں سے

زمانے میں کبھی بھی قسمتیں بدلا نہیں کرتیں

امیدوں سے بھروسوں سے دلاسوں سے سہاروں سے

سنے کوئی تو اب بھی روشنی آواز دیتی ہے

گپھاؤں سے پہاڑوں سے بیابانوں سے غاروں سے

برابر ایک پیاسی روح کی آواز آتی ہے

کنوؤں سے پن گھٹوں سے ندیوں سے آبشاروں سے

کبھی پتھر کے دل اے کیفؔ پگھلے ہیں نہ پگھلیں گے

مناجاتوں سے فریادوں سے چیخوں سے پکاروں سے

ham un ko chhin kar lae hain kitne daawe daron se

shafaq se chandni raton se phulon se sitaron se

hamare zakhm-e-dil dagh-e-jigar kuchh milte jalte hain

gulon se gul rukhon se mahwashon se mah paron se

zamane mein kabhi bhi qismaten badla nahin kartin

ummidon se bharoson se dilason se saharon se

sune koi to ab bhi raushni awaz deti hai

guphaon se paharon se bayabanon se gharon se

barabar ek pyasi ruh ki awaz ati hai

kinoun se pan ghuton se nadiyon se absharon se

kabhi patthar ke dil ai kaif pighle hain na pighlenge

munajaton se fariyadon se chikhon se pukaron se