ہم کو دوانہ جان کے کیا کیا ظلم نہ ڈھایا لوگوں نے

ہم کو دوانہ جان کے کیا کیا ظلم نہ ڈھایا لوگوں نے

دین چھڑایا دھرم چھڑایا دیس چھڑایا لوگوں نے

تیری گلی میں آ نکلے تھے دوش ہمارا اتنا تھا

پتھر مارے تہمت باندھی عیب لگایا لوگوں نے

تیری لٹوں میں سو لیتے تھے بے گھر عاشق بے گھر لوگ

بوڑھے برگد آج تجھے بھی کاٹ گرایا لوگوں نے

نور سحر نے نکہت گل نے رنگ شفق نے کہہ دی بات

کتنا کتنا میری زباں پر قفل لگایا لوگوں نے

میرؔ تقی کے رنگ کا غازہ روئے غزل پر آ نہ سکا

کیفؔ ہمارے میرؔ تقی کا رنگ اڑایا لوگوں نے

ham ko diwana jan ke kya kya zulm na dhaya logon ne

din chhuraya dharm chhuraya des chhuraya logon ne

teri gali mein a nikle the dosh hamara itna tha

patthar mare tohmat bandhi aib lagaya logon ne

teri laton mein so lete the be ghar ashiq be ghar log

burhe bargad aj tujhe bhi kat giraya logon ne

nur-e-sahar ne nikhat gul ne rang-e-shafaq ne kah di bat

kitna kitna meri zaban par qufl lagaya logon ne

mir taqi ke rang ka ghaza ru-e-ghazal par a na saka

kaif hamare mir taqi ka rang uraya logon ne