کون آئے گا یہاں کوئی نہ آیا ہوگا

کون آئے گا یہاں کوئی نہ آیا ہوگا

میرا دروازہ ہواؤں نے ہلایا ہوگا

دل ناداں نہ دھڑک اے دل ناداں نہ دھڑک

کوئی خط لے کے پڑوسی کے گھر آیا ہوگا

اس گلستاں کی یہی ریت ہے اے شاخ گل

تو نے جس پھول کو پالا وہ پرایا ہوگا

دل کی قسمت ہی میں لکھا تھا اندھیرا شاید

ورنہ مسجد کا دیا کس نے بجھایا ہوگا

گل سے لپٹی ہوئی تتلی کو گرا کر دیکھو

آندھیو تم نے درختوں کو گرایا ہوگا

کھیلنے کے لیے بچے نکل آئے ہوں گے

چاند اب اس کی گلی میں اتر آیا ہوگا

کیفؔ پردیس میں مت یاد کرو اپنا مکاں

اب کے بارش نے اسے توڑ گرایا ہوگا

kaun aega yahan koi na aya hoga

mera darwaza hawaon ne hilaya hoga

dil-e-nadan na dharak ai dil-e-nadan na dharak

koi khat le ke parosi ke ghar aya hoga

is gulistan ki yahi ret hai ai shakh-e-gul

tu ne jis phul ko pala wo paraya hoga

dil ki qismat hi mein likha tha andhera shayad

warna masjid ka diya kis ne bujhaya hoga

gul se lipti hui titli ko gira kar dekho

andhiyo tum ne darakhton ko giraya hoga

khelne ke liye bachche nikal ae honge

chand ab us ki gali mein utar aya hoga

kaif pardes mein mat yad karo apna makan

ab ke barish ne use tor giraya hoga