سراغ مجھ سے ملے گا نہ رونق شب کا

سراغ مجھ سے ملے گا نہ رونق شب کا

چراغ تو ہوں مگر بجھ چکا ہوں میں کب کا

کہوں زمین تو وہ آسماں سمجھتا ہے

کبھی کھلا ہی نہیں آدمی ہے کس ڈھب کا

عجیب ڈھنگ سے تھی جستجوئے زیست مجھے

پیالہ جیسے کوئی تشنہ گرمی لب کا

خیال یار کے پردے میں رنج دنیا تھا

سنا گیا ہے کچھ ایسا ہی قصہ ہم سب کا

اٹھے جو محفل دنیا سے تو ہوا معلوم

کہ داغ دار ہے دامن یہاں تو ہم سب کا

کیا ہے جس نے مجھے در بہ در وہ غافلؔ ہے

کہ میں ورق ہوں اسی عالم مرتب کا

suragh mujh se milega na raunaq-e-shab ka

charagh to hun magar bujh chuka hun main kab ka

kahun zamin to wo asman samajhta hai

kabhi khula hi nahin admi hai kis dhab ka

ajib dhang se thi justuju-e-zist mujhe

pyala jaise koi tishna garmi-e-lab ka

khayal-e-yar ke parde mein ranj-e-duniya tha

suna gaya hai kuchh aisa hi qissa ham sab ka

uthe jo mahfil-e-duniya se to hua maalum

ke dagh dar hai daman yahan to ham sab ka

kya hai jis ne mujhe dar ba dar wo ghafil hai

ke main waraq hun isi alam-e-murattib ka