جہاں تم جلوہ گر ہوتے وہاں پر طور ہو جاتا

جہاں تم جلوہ گر ہوتے وہاں پر طور ہو جاتا

زمیں کا ذرہ ذرہ نور سے معمور ہو جاتا

میں تجھ کو دیکھ کر مستی میں ایسا چور ہو جاتا

کہ دنیا کیا ہے اپنے آپ سے بھی دور ہو جاتا

غنیمت ہے اچٹتی ہی نظر ان کی پڑی مجھ پر

میں کیا کرتا نظر کا وار اگر بھرپور ہو جاتا

ذرا سی جرأت کردار بھی ہوتی اگر ہم میں

زمانہ رخ بدلنے کے لئے مجبور ہو جاتا

فقط شہرت نہیں ہے مقصد شعر و سخن عارفؔ

ذرا کوشش جو کرتا میں بہت مشہور ہو جاتا

jahan tum jalwa gar hote wahan par tur ho jata

zamin ka zarra zarra nur se maamur ho jata

main tujh ko dekh kar masti mein aisa chur ho jata

ke duniya kya hai apne ap se bhi dur ho jata

ghanimat hai achtati hi nazar un ki pari mujh par

main kya karta nazar ka war agar bharpur ho jata

zara si jurat-e-kirdar bhi hoti agar ham mein

zamana rukh badalne ke liye majbur ho jata

faqat shohrat nahin hai maqsad-e-sher-o-sukhan arif

zara koshish jo karta main bahut mashhur ho jata