بھلا ہو اس کا جو رستے میں مجھ کو ڈال گیا

بھلا ہو اس کا جو رستے میں مجھ کو ڈال گیا

زمانہ سنگ سمجھ کر مجھے اچھال گیا

شجر بھی زور سے جس کے زمین بوس ہوئے

وہی تو جھونکا ہوا کا مجھے سنبھال گیا

تڑپ رہی ہے نظر آج بھی اسی کے لئے

وہ ایک جلوہ جو دل کو مرے اجال گیا

مرے تڑپنے پہ اس کو مذاق سوجھا تھا

ہنسی ہنسی میں ہر اک بات میری ٹال گیا

شکایتیں تھیں فقط ان کے دور رہنے تک

وہ پاس آئے تو دل سے ہر اک ملال گیا

مری تباہی پہ سب کی لگی رہیں نظریں

کسی کا بھی نہ تمہاری طرف خیال گیا

تغیرات نے سب کچھ بدل دیا عارفؔ

زمانہ اک نئے سانچے میں ہم کو ڈھال گیا

bhala ho us ka jo raste mein mujh ko dal gaya

zamana sang samajh kar mujhe uchhal gaya

shajar bhi zor se jis ke zamin bos hue

wahi to jhonka hawa ka mujhe sambhal gaya

tarap rahi hai nazar aj bhi usi ke liye

wo ek jalwa jo dil ko mire ajal gaya

mire tarapne pe us ko mazaq sujha tha

hansi hansi mein har ik bat meri tal gaya

shikayaten thin faqat un ke daur rahne tak

wo pas ae to dil se har ik malal gaya

miri tabahi pe sab ki lagi rahen nazren

kisi ka bhi na tumhari taraf khayal gaya

taghayyurat ne sab kuchh badal diya arif

zamana ik nae sanche mein ham ko dhal gaya