عشق بے خود تھا بے حجاب آیا

عشق بے خود تھا بے حجاب آیا

حسن ڈالے ہوئے نقاب آیا

مہر بر لب کھڑے تھے اہل وفا

بے سوال آپ کا جواب آیا

ہم دکھائیں گے حشر میں ناصح

کس کے حصے میں کیا حساب آیا

پیار ان کا نظر کا دھوکا تھا

پانی ڈھونڈا نظر سراب آیا

چلو اچھے ہیں بخت بھی عارفؔ

غم تو حصے میں بے حساب آیا

ishq-e-be khud tha be hijab aya

husn dale hue naqab aya

mehr bar lab khare the ahl-e-wafa

be sawal ap ka jawab aya

ham dikhaenge hashr mein naseh

kis ke hisse mein kya hisab aya

pyar un ka nazar ka dhoka tha

pani dhunda nazar sarab aya

chalo achchhe hain bakht bhi arif

gham to hisse mein be hisab aya