کوئی حبیب کوئی مہرباں تو ہے ہی نہیں

کوئی حبیب کوئی مہرباں تو ہے ہی نہیں

ہمارے سر پے کوئی آسماں تو ہے ہی نہیں

جو ایک عکس حقیقت ہے ٹوٹ جائے اگر

پتہ چلے کہ جہاں میں جہاں تو ہے ہی نہیں

میں ایک عمر سے رب کی تلاش کرتا ہوں

جہاں پہ اس کا نشاں تھا وہاں تو ہے ہی نہیں

ہر ایک ظلم کو چپ چاپ سہ رہے ہیں سبھی

معاشرے میں کوئی با زباں تو ہے ہی نہیں

یہ اشک غم کا فسانہ سنا کے مانے گا

کسی بھی طور مرا راز داں تو ہے ہی نہیں

کرو گے عشق تو جانو گے غیب کو کافرؔ

ہر ایک راز ہے ظاہر نہاں تو ہے ہی نہیں

koi habib koi mehrban to hai hi nahin

hamare sar pe koi asman to hai hi nahin

jo ek aks haqiqat hai tut jae agar

pata chale ke jahan mein jahan to hai hi nahin

main ek umr se rab ki talash karta hun

jahan pe us ka nishan tha wahan to hai hi nahin

har ek zulm ko chup chap sah rahe hain sabhi

muashare mein koi ba zaban to hai hi nahin

ye ashk-e-gham ka fasana suna ke manega

kisi bhi tur mira raz dan to hai hi nahin

karoge ishq to janoge ghaib ko kafir

har ek raz hai zahir nihan to hai hi nahin