دیدار تیرے حسن کا بس آنکھ بھر کروں

دیدار تیرے حسن کا بس آنکھ بھر کروں

اور پھر اسی سرور میں پہروں بسر کروں

مصرعوں میں ڈھل کے آپ کے دل میں اتر سکیں

اتنا میں ہر خیال کو باریک تر کروں

اے زندگی بتا مجھے تو نے دیا ہے کیا

تیرا یقیں کروں بھی تو کس بات پر کروں

یہ بھی تو اک طرح سے محبت کی ہار ہے

خود کو تمہارے ہجر میں برباد گر کروں

میری مسافتوں کی کوئی انتہا تو ہو

ان آبلوں کے ساتھ میں کب تک سفر کروں

ہر شخص کی زبان پہ کافرؔ کا نام ہو

اتنا میں اپنے آپ کو اب نامور کروں

didar tere husn ka bas ankh bhar karun

aur phir isi surur mein pahron basar karun

misron mein dhal ke ap ke dil mein utar saken

itna mein har khayal ko barik tar karun

ai zindagi bata mujhe tu ne diya hai kya

tera yaqin karun bhi to kis bat par karun

ye bhi to ik tarah se mohabbat ki har hai

khud ko tumhare hijr mein barbad gar karun

meri masafaton ki koi intiha to ho

in ablon ke sath mein kab tak safar karun

har shakhs ki zaban pe kafir ka nam ho

itna main apne ap ko ab namwar karun