رات کی زلفیں بھیگی بھیگی اور عالم تنہائی کا

رات کی زلفیں بھیگی بھیگی اور عالم تنہائی کا

کتنے درد جگا دیتا ہے اک جھونکا پروائی کا

اڑتے لمحوں کے دامن میں تیری یاد کی خوشبو ہے

پچھلی رات کا چاند ہے یا ہے عکس تری انگڑائی کا

کب سے نہ جانے گلیوں گلیوں سائے کی صورت پھرتے ہیں

کس سے دل کی بات کریں ہم شہر ہے اس ہر جائی کا

عشق ہماری بربادی کو دل سے دعائیں دیتا ہے

ہم سے پہلے اتنا روشن نام نہ تھا رسوائی کا

شعر ہمارے سن کر اکثر دل والے رو دیتے ہیں

ہم بھی لئے پھرتے ہیں دل میں درد کسی شہنائی کا

تم ہو کلیمؔ عجب دیوانے بات انوکھی کرتے ہو

چاہ کا بھی ارمان ہے دل میں خوف بھی ہے رسوائی کا

rat ki zulfen bhigi bhigi aur alam tanhai ka

kitne dard jaga deta hai ik jhonka purwai ka

urte lamhon ke daman mein teri yad ki khushbu hai

pichhli rat ka chand hai ya hai aks tiri angrai ka

kab se na jane galiyon galiyon sae ki surat phirte hain

kis se dil ki bat karen ham shahr hai is har jai ka

ishq hamari barbadi ko dil se duaen deta hai

ham se pahle itna raushan nam na tha ruswai ka

sher hamare sun kar aksar dil wale ro dete hain

ham bhi liye phirte hain dil mein dard kisi shahnai ka

tum ho kalim ajab diwane bat anokhi karte ho

chah ka bhi arman hai dil mein khauf bhi hai ruswai ka