Arooz is now on the App Store, for iPhone and iPad. Download →

All poetry

خواہش دید کے آنکھوں میں اجالے لے کر

Kaleem Noori Firozabadi (b. 1969)

خواہش دید کے آنکھوں میں اجالے لے کر

ڈھونڈھتا ہوں میں تجھے پاؤں میں چھالے لے کر

زرد پڑ جاتے ہیں تابندہ ستاروں کے بدن

چاند جس وقت نکلتا ہے اجالے لے کر

ٹوٹ جائے گا یہ تیرا بھی تکبر سورج

رات جب آئے گی تاریک حوالے لے کر

زندگی اس کو بچانا ہو تو یوں بچتی ہے

بھیج دیتا ہے خدا مکڑیاں جالے لے کر

کوئی سقراط نہیں میں جو خوشی سے پی لوں

آپ کیوں آئے ہیں یہ زہر کے پیالے لے کر