کیا جئے گا کوئی ہم خاک نشینوں کی طرح

کیا جئے گا کوئی ہم خاک نشینوں کی طرح

ایک اک پل یہاں گزرا ہے مہینوں کی طرح

اس نے چڑھ کر مرے کاندھوں پہ فلک چوم لیا

میں زمیں پر ہی کھڑا رہ گیا زینوں کی طرح

دور حاضر میں محبت کا کوئی مول نہیں

دل بھی ہونے لگے نیلام زمینوں کی طرح

خود نہیں چلتا کوئی اور چلاتا ہے اسے

اب تو انسان بھی تلتا ہے مشینوں کی طرح

جب سے آیا ہے فسادات کے موسم میں ابال

ہم بھی موجوں میں گھرے ٹوٹے سفینوں کی طرح

میں نے دنیا کی نگاہوں سے بچا کر اے کلیمؔ

دل میں رکھا تری یادوں کو دفینوں کی طرح

kya jiye ga koi ham khak nashinon ki tarah

ek ik pal yahan guzra hai mahinon ki tarah

us ne charh kar mire kandhon pe falak chum liya

main zamin par hi khara rah gaya zinon ki tarah

daur-e-hazir mein mohabbat ka koi mol nahin

dil bhi hone lage nilam zaminon ki tarah

khud nahin chalta koi aur chillata hai use

ab to insan bhi talta hai mashinon ki tarah

jab se aya hai fasadat ke mausam mein ubal

ham bhi maujon mein ghire tute safinon ki tarah

main ne duniya ki nigahon se bacha kar ai kalim

dil mein rakha tiri yadon ko dafinon ki tarah