اس طرح سے نہ رولیے آنسو

اس طرح سے نہ رولیے آنسو

قہقہوں میں بھی گھولیے آنسو

ہم نے دل کی زمیں کے بدلے میں

اپنی آنکھوں میں بو لئے آنسو

دے کے پھر کوئی غم جگا دیجے

سو لئے خوب سو لئے آنسو

میری آنکھوں میں ڈھونڈیئے نہ انہیں

اپنے دل میں ٹٹولئے آنسو

جب خیال آیا کوئی دیکھ نہ لے

آستیں میں سمو لئے آنسو

تنہا دیکھا جو راہ الفت میں

میرے ہم راہ ہو لئے آنسو

ہو گئے اور محترم اے کلیمؔ

آب زم زم سے دھو لئے آنسو

is tarah se na roliye ansu

qahqahon mein bhi gholiye ansu

ham ne dil ki zamin ke badle mein

apni ankhon mein bu liye ansu

de ke phir koi gham jaga dije

so liye khub so liye ansu

meri ankhon mein dhundiye na unhen

apne dil mein tatoliye ansu

jab khayal aya koi dekh na le

astin mein samo liye ansu

tanha dekha jo rah ulfat mein

mere ham rah ho liye ansu

ho gae aur mohtaram ai kalim

ab-e-zam zam se dho liye ansu