کبھی فراق کبھی لذت وصال میں رکھ

کبھی فراق کبھی لذت وصال میں رکھ

مجھ اعتدال سے عاری کو اعتدال میں رکھ

نچا رہا ہے مجھے انگلیوں پہ عشق ترا

تمام عمر اسی رقص بے مثال میں رکھ

دکھی ہو دل تو اترتی ہے شاعری مجھ پر

تجھے غزل کی قسم ہے مجھے ملال میں رکھ

تو چاہتا ہے اگر کار۔آفتاب کروں

مرا عروج مری ساعت زوال میں رکھ

ترے بغیر گزاری ہے زندگی میں نے

تو اس ستم کی تلافی بھی ماہ و سال میں رکھ

تو دل ہے اور دھڑکنا تری عبادت ہے

سو خود کو جسم سے باہر بھی تو دھمال میں رکھ

شکم سے ہو کے گزرتے ہیں قول و فعل مرے

مجھ ایسے شخص کو نان و نمک کے جال میں رکھ

مرے بدن کو بھلے اس سے آگ لگ جائے

چراغ حرف مگر میرے بال بال میں رکھ

میں اس عذاب کے نشے میں مبتلا ہوں کبیرؔ

پرائی آگ اٹھا کر مری سفال میں رکھ

kabhi firaq kabhi lazzat-e-wisal mein rakh

mujh etidal se ari ko etidal mein rakh

nacha raha hai mujhe ungliyon pe ishq tira

tamam umr isi raqs-e-be misal mein rakh

dukhi ho dil to utarti hai shayari mujh par

tujhe ghazal ki qasam hai mujhe malal mein rakh

tu chahta hai agar kar.aftab karun

mira uruj miri saat-e-zawal mein rakh

tire baghair guzari hai zindagi main ne

to us sitam ki talafi bhi mah-o-sal mein rakh

to dil hai aur dharakna tiri ibadat hai

so khud ko jism se bahar bhi to dhamal mein rakh

shikam se ho ke guzarte hain qaul-o-fel mire

mujh aise shakhs ko nan-o-namak ke jal mein rakh

mire badan ko bhale us se ag lag jae

charagh harf magar mere bal bal mein rakh

main is azab ke nashe mein mubtala hun kabir

parai ag utha kar miri sifal mein rakh