جان فکر و فن اب بھی عشق کی کہانی ہے

جان فکر و فن اب بھی عشق کی کہانی ہے

لفظ ہیں نئے لیکن داستاں پرانی ہے

زندگی کے افسانے ایک سے سہی لیکن

جو مری کہانی ہے وہ مری کہانی ہے

دیکھتا ہے رہ رہ کر منہ نگاہ والوں کا

مصرعۂ غریب اپنا نقش بے زبانی ہے

التفات فرمائیں یا تغافل اپنائیں

مدعا حسینوں کا صرف جاں ستانی ہے

پر خطا سہی جعفرؔ بے وفا سہی جعفرؔ

خیر تم سہی حق پر بات کیا بڑھانی ہے

jan-e-fikr-o-fan ab bhi ishq ki kahani hai

lafz hain nae lekin dastan purani hai

zindagi ke afsane ek se sahi lekin

jo miri kahani hai wo miri kahani hai

dekhta hai rah rah kar munh nigah walon ka

misra-e-gharib apna naqsh-e-be zabani hai

iltifat farmaen ya taghaful apnaen

muddaa hasinon ka sirf jan satani hai

par khata sahi jaafar be wafa sahi jaafar

khair tum sahi haq par bat kya barhani hai