خزاں کے دوش پہ ہے فصل گل کا رخت ابھی

خزاں کے دوش پہ ہے فصل گل کا رخت ابھی

کہ برگ و بار سے خالی ہے ہر درخت ابھی

ابھی غموں سے عبارت ہے سر نوشت بشر

کہ آسمان پرے ہے زمین سخت ابھی

سمجھ شعاع بریدہ نہ صرف جگنو کو

کرن کرن کا جگر ہوگا لخت لخت ابھی

متاع جاں بھی اسے پیش کر چکا ہوں میں

مرے رقیب کا لہجہ ہے کیوں کرخت ابھی

تمام رات رہا مے کدہ نشیں جعفرؔ

گیا ہے اٹھ کے یہاں سے وہ نیک بخت ابھی

khizan ke dosh pe hai fasl-e-gul ka rakht abhi

ke barg-o-bar se khali hai har darakht abhi

abhi ghamon se ibarat hai sar nawisht-e-bashar

ke asman pare hai zamin-e-sakht abhi

samajh shua-e-burida na sirf jugnu ko

kiran kiran ka jigar hoga lakht lakht abhi

mata-e-jan bhi use pesh kar chuka hun main

mire raqib ka lahja hai kyun karakht abhi

tamam rat raha mai kada nashin jaafar

gaya hai uth ke yahan se wo nek bakht abhi