آج کسی کی یاد میں ہم جی بھر کر روئے دھویا گھر

آج کسی کی یاد میں ہم جی بھر کر روئے دھویا گھر

آج ہمارا گھر لگتا ہے کیسا اجلا اجلا گھر

اپنے آئیں سر آنکھوں پر غیر کی یہ بیٹھک نہ بنے

گھر آسیب کا بن جائے گا ورنہ ہنستا بستا گھر

گھر کو جب ہم جھاڑیں پوچھیں رہتے ہیں محتاط بہت

گرد آلود نہیں ہونے دیتے ہم ہم سایے کا گھر

تم نے کڑیاں جھیلیں اور غیروں کے گھر آباد کیے

راہ تمہاری تکتا ہے آبائی سونا سونا گھر

جو آرام ہے اپنے گھر میں اور کہاں مل سکتا ہے

ٹوٹا پھوٹا بھی ہو تو بھی اپنا گھر ہے اپنا گھر

اک انجانے ڈر نے نیند اچک لی سب کی آنکھوں سے

کتنی ہی راتوں سے مسلسل بے آرام ہے گھر کا گھر

میری روح بروگن رہ رہ کر چلاتی رہتی ہے

میرا گھر میرا پیارا گھر میرا پیارا پیارا گھر

آوارہ گردی کے سبب وہ دن بھر تو مطعون رہا

جب سورج مغرب میں ڈوبا جعفرؔ بھی جا پہنچا گھر

aj kisi ki yad mein ham ji bhar kar roe dhoya ghar

aj hamara ghar lagta hai kaisa ujla ujla ghar

apne aen sar ankhon par ghair ki ye baithak na bane

ghar aseb ka ban jaega warna hansta basta ghar

ghar ko jab ham jharen puchhen rahte hain mohtat bahut

gard alud nahin hone dete ham ham saye ka ghar

tum ne kariyan jhelen aur ghairon ke ghar abad kiye

rah tumhari takta hai abai sona sona ghar

jo aram hai apne ghar mein aur kahan mil sakta hai

tuta phuta bhi ho tu bhi apna ghar hai apna ghar

ik anjane dar ne nind uchak li sab ki ankhon se

kitni hi raton se musalsal be aram hai ghar ka ghar

meri ruh birogan rah rah kar chillati rahti hai

mera ghar mera pyara ghar mera pyara pyara ghar

awara gardi ke sabab wo din bhar to matun raha

jab suraj maghrib mein duba jaafar bhi ja pahuncha ghar