نشے میں چشم ناز جو ہنستی نظر پڑی

نشے میں چشم ناز جو ہنستی نظر پڑی

تصویر ہوشیاری و مستی نظر پڑی

لہرائی ایک بار وہ زلف خرد شکار

کوئی نہ پھر بلندی و پستی نظر پڑی

اٹھی تھی پہلی بار جدھر چشم آرزو

وہ لوگ پھر ملے نہ وہ بستی نظر پڑی

حسن بتاں تو آئینۂ حسن ذات ہے

زاہد کو اس میں کفر پرستی نظر پڑی

یا رب کبھی تو بو الہوسوں کو بھی دے سزا

مانا ہماری جان تو سستی نظر پڑی

سوئے چمن گئے تھے بہاراں سمجھ کے ہم

دیکھا تو ایک آگ‌‌ پرستی نظر پڑی

کیسی صبا کہاں کی نسیم چمن نہ پوچھ

ناگن سی پھول پھول کو ڈستی نظر پڑی

مدت کے بعد اپنی طرف پھر گیا خیال

تم کیا ملے کہ صورت ہستی نظر پڑی

شبنم کی بوند بوند نے ہنس ہنس کے جان دی

طاہرؔ کرن کرن بھی ترستی نظر پڑی

nashe mein chashm-e-naz jo hansti nazar pari

taswir hoshyari-o-masti nazar pari

lahrai ek bar wo zulf-e-khirad shikar

koi na phir bulandi-o-pasti nazar pari

uthi thi pahli bar jidhar chashm-e-arzu

wo log phir mile na wo basti nazar pari

husn-e-butan to aina-e-husn-e-zat hai

zahid ko is mein kufr parasti nazar pari

ya rab kabhi to bu-e-ilahosun ko bhi de saza

mana hamari jan to sasti nazar pari

su-e-chaman gae the baharan samajh ke ham

dekha to ek ag parasti nazar pari

kaisi saba kahan ki nasim-e-chaman na puchh

nagin si phul phul ko dasti nazar pari

muddat ke baad apni taraf phir gaya khayal

tum kya mile ke surat-e-hasti nazar pari

shabnam ki bund bund ne hans hans ke jan di

tahir kiran kiran bhi tarasti nazar pari