کوئے حرم سے نکلی ہے کوئے بتاں کی راہ

کوئے حرم سے نکلی ہے کوئے بتاں کی راہ

ہائے کہاں پہ آ کے ملی ہے کہاں کی راہ

صد آسماں بہ دامن و صد کہکشاں بہ دوش

بام بلند یار ترے آستاں کی راہ

ملک عدم میں قافلۂ روح جا بسا

ہم دیکھتے ہی رہ گئے اس بد گماں کی راہ

لٹتا رہا ہے ذوق نظر گام گام پر

اب کیا رہا ہے پاس جو ہم لیں وہاں کی راہ

اے زلف خم بہ خم تجھے اپنا ہی واسطہ

ہموار ہونے پائے نہ عمر رواں کی راہ

گل ہائے رنگ رنگ ہیں افکار نو بہ نو

یہ رہ گزار شعر ہے کس گلستاں کی راہ

طاہرؔ یہ منزلیں یہ مقامات یہ حرم

اللہ رے یہ راہ یہ کوئے بتاں کی راہ

ku-e-haram se nikli hai ku-e-butan ki rah

hae kahan pe a ke mili hai kahan ki rah

sad asman ba daman-o-sad kahkashan ba dosh

bam-e-buland yar tire astan ki rah

mulk-e-adam mein qafila-e-ruh ja basa

ham dekhte hi rah gae is bad guman ki rah

lutta raha hai zauq-e-nazar gam gam par

ab kya raha hai pas jo ham len wahan ki rah

ai zulf-e-kham ba kham tujhe apna hi wasta

hamwar hone pae na umr-e-rawan ki rah

gul ha-e-rang rang hain afkar-e-nau ba nau

ye rah guzar-e-sher hai kis gulsitan ki rah

tahir ye manzilen ye maqamat ye haram

allah re ye rah ye ku-e-butan ki rah