چھیڑ کر تذکرۂ دور جوانی رویا

چھیڑ کر تذکرۂ دور جوانی رویا

رات یاروں کو سنا کر میں کہانی رویا

ذکر تھا کوچہ و بازار کے ہنگاموں کا

جانے کیا سوچ کے وہ یوسف ثانی رویا

غیرت عشق نے کیا کیا نہ بہائے آنسو

سن کے باتیں تری غیروں کی زبانی رویا

جب بھی دیکھی ہے کسی چہرے پہ اک تازہ بہار

دیکھ کر میں تری تصویر پرانی رویا

چشم ارباب وفا ہے جو لہو روتی ہے

غیر پھر غیر ہے رویا بھی تو پانی رویا

تیری مہکی ہوئی سانسوں کی لویں یاد آئیں

آج تو دیکھ کے میں صبح سہانی رویا

اے وطن جب بھی سر دشت کوئی پھول کھلا

دیکھ کر تیرے شہیدوں کی نشانی رویا

chher kar tazkira-e-daur-e-jawani roya

rat yaron ko suna kar main kahani roya

zikr tha kucha-o-bazar ke hangamon ka

jane kya soch ke wo yusuf-e-sani roya

ghairat-e-ishq ne kya kya na bahae ansu

sun ke baten tiri ghairon ki zabani roya

jab bhi dekhi hai kisi chehre pe ik taza bahar

dekh kar main tiri taswir purani roya

chashm-e-arbab-e-wafa hai jo lahu roti hai

ghair phir ghair hai roya bhi to pani roya

teri mahki hui sanson ki lawen yad aen

aj to dekh ke main subh suhani roya

ai watan jab bhi sar-e-dasht koi phul khula

dekh kar tere shahidon ki nishani roya