افق کے آخری منظر میں جگمگاؤں میں

افق کے آخری منظر میں جگمگاؤں میں

حصار ذات سے نکلوں تو خود کو پاؤں میں

ضمیر و ذہن میں اک سرد جنگ جاری ہے

کسے شکست دوں اور کس پہ فتح پاؤں میں

تصورات کے آنگن میں چاند اترا ہے

روش روش تری چاہت سے جگمگاؤں میں

زمیں کی فکر میں صدیاں گزر گئیں اجملؔ

کہاں سے کوئی خبر آسماں کی لاؤں میں

ufuq ke akhiri manzar mein jagmagaun mein

hisar-e-zat se niklun to khud ko paon mein

zamir-o-zehn mein ik sard jang jari hai

kise shikast dun aur kis pe fath paon mein

tasawwurat ke angan mein chand utra hai

rawish rawish tiri chahat se jagmagaun mein

zamin ki fikr mein sadiyan guzar gain ajmal

kahan se koi khabar asman ki laon main