نئی زمین نئے آسماں سنورتے رہیں

نئی زمین نئے آسماں سنورتے رہیں

یہی ہے شرط تو پھر حرف حرف مرتے رہیں

یہی سزا ہے کہ لمحوں کی بازگشت کے بعد

صدی صدی ترے کوچے میں بین کرتے رہیں

وہ انقلاب لکیروں سے جو ابھر نہ سکا

کہاں تلک اسی خاکے میں رنگ بھرتے رہیں

کچھ اور چاہئے دیوانگی کو حد جنوں

کچھ اور عرصۂ محشر کہ ہم گزرتے رہیں

کوئی صدا کوئی آوازۂ جرس ہی سہی

کوئی بہانہ کہ ہم جاں نثار کرتے رہیں

nai zamin nae asman sanwarte rahen

yahi hai shart to phir harf harf marte rahen

yahi saza hai ke lamhon ki bazgasht ke baad

sadi sadi tire kuche mein bain karte rahen

wo inqilab lakiron se jo ubhar na saka

kahan talak isi khake mein rang bharte rahen

kuchh aur chahiye diwangi ko had-e-junun

kuchh aur arsa-e-mahshar ke ham guzarte rahen

koi sada koi awaza-e-jaras hi sahi

koi bahana ke ham jan nisar karte rahen