اپنی انا سے بر سر پیکار میں ہی تھا

اپنی انا سے بر سر پیکار میں ہی تھا

سچ بولنے کی دھن تھی سر دار میں ہی تھا

سازش رچی گئی تھی کچھ ایسی مرے خلاف

ہر انجمن میں باعث آزار میں ہی تھا

سو کرتبوں سے زخم لگائے گئے مجھے

شاید کہ اپنے عہد کا شہکار میں ہی تھا

لمحوں کی بازگشت میں صدیوں کی گونج تھی

اور آگہی کا مجرم اظہار میں ہی تھا

تہذیب کی رگوں سے ٹپکتے لہو میں تر

دہلیز میں پڑا ہوا اخبار میں ہی تھا

اجملؔ سفر میں ساتھ رہیں یوں صعوبتیں

جیسے کہ ہر سزا کا سزا وار میں ہی تھا

apni ana se bar sar-e-paikar mein hi tha

sach bolne ki dhun thi sar-e-dar mein hi tha

sazish rachi gai thi kuchh aisi mire khilaf

har anjuman mein bais-e-azar mein hi tha

so kartabon se zakhm lagae gae mujhe

shayad ke apne ahd ka shahkar mein hi tha

lamhon ki bazgasht mein sadiyon ki gunj thi

aur agahi ka mujrim-e-izhar mein hi tha

tahzib ki ragon se tapakte lahu mein tar

dahliz mein para hua akhbar mein hi tha

ajmal safar mein sath rahen yun suubaten

jaise ke har saza ka saza war mein hi tha