سیاہی ڈھل کے پلکوں پر بھی آئے

سیاہی ڈھل کے پلکوں پر بھی آئے

کوئی لمحہ دھنک بن کر بھی آئے

گلابی سیڑھیوں سے چاند اترے

خرام ناز کا منظر بھی آئے

لہو رشتوں کا اب جمنے لگا ہے

کوئی سیلاب میرے گھر بھی آئے

میں اپنی فکر کا کوہ ندا ہوں

کوئی حاتم مرے اندر بھی آئے

میں اپنے آپ کا قاتل ہوں اجملؔ

مرا آسیب اب باہر بھی آئے

siyahi dhal ke palkon par bhi ae

koi lamha dhanak ban kar bhi ae

gulabi sirhiyon se chand utre

khiram-e-naz ka manzar bhi ae

lahu rishton ka ab jamne laga hai

koi sailab mere ghar bhi ae

main apni fikr ka koh-e-nida hun

koi hatim mire andar bhi ae

main apne ap ka qatil hun ajmal

mira aseb ab bahar bhi ae