ہم نوا ملتا تو آواز کا سودا کرتے

ہم نوا ملتا تو آواز کا سودا کرتے

ہم کہاں آ گئے پرچھائیں کا پیچھا کرتے

رنگ و بو ذہن کی دیوار بنے ہیں ورنہ

تیری تصویر بناتے تری پوجا کرتے

دن سے دن ہوتے نہ یہ رات سی راتیں ہوتیں

کسی ہم درد سے جو درد کا رشتہ کرتے

کوئی غم پاؤں کی زنجیر کہاں تک ہوگا

جوگیا پہن کے بازار میں گھوما کرتے

یہ بھی کیا کم ہے ترے نام پہ جیتے ہیں ابھی

ہونٹ جل جاتے اگر ہم کوئی شکوہ کرتے

کوئی کھنڈر کوئی گرتی ہوئی دیوار سہی

کٹ گئی عمر یہاں جسم کو سایہ کرتے

ham nawa milta to awaz ka sauda karte

ham kahan a gae parchhain ka pichha karte

rang-o-bu zehn ki diwar bane hain warna

teri taswir banate tiri puja karte

din se din hote na ye rat si raten hotin

kisi ham dard se jo dard ka rishta karte

koi gham paon ki zanjir kahan tak hoga

jogiya pahan ke bazar mein ghuma karte

ye bhi kya kam hai tire nam pe jite hain abhi

hont jal jate agar ham koi shikwa karte

koi khandar koi girti hui diwar sahi

kat gai umr yahan jism ko saya karte